భారతదేశంలో ఆడపిల్లల భవిష్యత్తును ఆర్థికంగా భద్రపరచేందుకు (Secure Financially) కేంద్ర ప్రభుత్వం ప్రవేశపెట్టిన అత్యంత ప్రజాదరణ(Popularity) పొందిన పొదుపు పథకాలలో సుకన్య సమృద్ధి యోజన (Sukanya Samriddhi Yojana – SSY) ఒకటి. ‘బేటీ బచావో – బేటీ పఢావో’ కార్యక్రమంలో భాగంగా ప్రారంభించిన ఈ స్కీమ్, తక్కువ పెట్టుబడితో దీర్ఘకాలంలో మంచి రాబడిని(Revenue) అందించడంతో పాటు పన్ను మినహాయింపు (Tax Benefits) ప్రయోజనాలను కూడా కల్పిస్తుంది. ముఖ్యంగా కుమార్తెల ఉన్నత విద్య, వివాహం (Higher Education, Marriage) వంటి భవిష్యత్ అవసరాల కోసం ఈ పథకం ఎంతో ఉపయోగపడుతుంది.
సుకన్య సమృద్ధి యోజన ఖాతాను 10 సంవత్సరాల లోపు వయస్సు ఉన్న ఆడపిల్ల(Girl) పేరిట తల్లిదండ్రులు లేదా చట్టబద్ధ సంరక్షకులు తెరవవచ్చు. సాధారణంగా ఒక కుటుంబంలో(Family) ఇద్దరు ఆడపిల్లల వరకు మాత్రమే ఈ పథకం వర్తిస్తుంది. అయితే కవలలు లేదా ఒకేసారి ముగ్గురు పిల్లలు జన్మించిన ప్రత్యేక పరిస్థితుల్లో కేంద్ర ప్రభుత్వం మినహాయింపు కల్పించింది.
ఖాతా గడువు మరియు పెట్టుబడి(Account maturity and investment)
సుకన్య సమృద్ధి యోజన (SSY) ఖాతాలో ఖాతా ప్రారంభించిన తేదీ నుంచి 15 సంవత్సరాల వరకు డిపాజిట్లు చేయాలి. అయితే ఖాతా 21 సంవత్సరాల తర్వాత మెచ్యూర్ (Maturity) అవుతుంది. ప్రతి ఆర్థిక సంవత్సరంలో కనీసం ₹250, గరిష్టంగా ₹1.5 లక్షల వరకు పెట్టుబడి పెట్టే అవకాశం ఉంది. సుకన్య సమృద్ధి యోజన (Sukanya Samriddhi Yojana) దీర్ఘకాలిక పొదుపు పథకం కావడంతో, ఖాతా తెరిచిన వెంటనే డబ్బులు ఉపసంహరించుకునే అవకాశం ఉండదు. అయితే ప్రభుత్వం కొన్ని ప్రత్యేక సందర్భాల్లో మాత్రమే డబ్బులు తీసుకునే వెసులుబాటు కల్పించింది.
ఉన్నత విద్య కోసం 50% వరకు ఉపసంహరణ.(Up to 50% withdrawal for higher education.)
అమ్మాయి ఉన్నత విద్యకు ఆర్థిక ఇబ్బందులు (Financial Difficulties) లేకుండా ఉండేందుకు ఈ సదుపాయం అందుబాటులో ఉంది. 18 ఏళ్లు పూర్తయిన తర్వాత లేదా 10వ తరగతి ఉత్తీర్ణత అనంతరం, గత ఆర్థిక సంవత్సరం ముగింపు నాటికి ఖాతాలో ఉన్న మొత్తంలో గరిష్టంగా 50 శాతం వరకు ఉపసంహరించుకోవచ్చు. ఈ మొత్తాన్ని అడ్మిషన్ ఫీజు(Admission fee) లేదా ఇతర విద్యా ఖర్చుల (Other Educational Expenses)కోసం మాత్రమే వినియోగించాలి. అవసరమైతే ఒకేసారి లేదా ఐదు విడతలుగా ఈ మొత్తాన్ని పొందవచ్చు.
వివాహం సమయంలో / మెచ్యూరిటీ తర్వాత పూర్తి మొత్తాన్ని తీసుకునే అవకాశం
అమ్మాయి 18 సంవత్సరాలు పూర్తయిన తర్వాత వివాహం జరిగితే, ఖాతాను ముందుగానే మూసివేసి మొత్తం డబ్బును తీసుకోవచ్చు. ఇందుకోసం వివాహానికి ఒక నెల ముందు లేదా వివాహం(Marriage) జరిగిన మూడు నెలల లోపు దరఖాస్తు చేయాలి. వయస్సు ధ్రువీకరణ(Age Verification) పత్రంతో పాటు వివాహానికి సంబంధించిన అఫిడవిట్ సమర్పించాల్సి ఉంటుంది.
ఖాతా ప్రారంభించిన 21 సంవత్సరాల తర్వాత మెచ్యూరిటీ పూర్తవుతుంది. అప్పటికి వడ్డీతో (Interest) కలిపి మొత్తం డబ్బును ఖాతాదారుకు చెల్లిస్తారు. 21 సంవత్సరాలు పూర్తయిన తర్వాత కూడా ఖాతాను కొనసాగిస్తే, ఆ మొత్తంపై అదనపు వడ్డీ లభించదు. అందుకే మెచ్యూరిటీ వచ్చిన వెంటనే ఖాతాను క్లోజ్ చేయడం మంచిది.
ప్రత్యేక పరిస్థితుల్లో ముందస్తు క్లోజర్(Early closure in special circumstances)
కొన్ని అనివార్య పరిస్థితుల్లో మాత్రమే ఖాతాను ముందుగానే మూసివేసే అవకాశం ఉంది. ఖాతాదారు (అమ్మాయి) మరణించినప్పుడు, తీవ్రమైన అనారోగ్య చికిత్స కోసం నిధులు అవసరమైనప్పుడు లేదా ఖాతా నిర్వహిస్తున్న తల్లిదండ్రులు/సంరక్షకుడు మరణించి డిపాజిట్లు(Deposits) కొనసాగించడం సాధ్యం కాని పరిస్థితుల్లో బ్యాంకు లేదా పోస్టాఫీస్ అనుమతితో ఖాతాను ముందుగానే క్లోజ్ చేయవచ్చు.
సుకన్య సమృద్ధి యోజన ప్రయోజనాలు(Benefits of Sukanya Samriddhi Yojana)
ఈ పథకంలో ప్రభుత్వం నిర్ణయించే ఆకర్షణీయమైన వడ్డీ రేటు లభిస్తుంది. ప్రస్తుతం సుమారు 8.2 శాతం వార్షిక వడ్డీ(Annual Interest) అమలులో ఉంది (వడ్డీ రేట్లు కాలానుగుణంగా మారవచ్చు). పెట్టుబడికి ఆదాయపు పన్ను చట్టంలోని సెక్షన్ 80C కింద పన్ను(tax) మినహాయింపు లభిస్తుంది. అలాగే వడ్డీపై, మెచ్యూరిటీ(Maturity) సమయంలో వచ్చే మొత్తంపైనా పన్ను ఉండదు. కేవలం ₹250తోనే ఖాతా ప్రారంభించవచ్చు. చక్రవడ్డీ (Compound Interest) ప్రయోజనం వల్ల దీర్ఘకాలంలో(long run) మంచి నిధి సమకూరుతుంది.
ఖాతా ఎలా తెరవాలి?(How to open an account?)
సమీప పోస్టాఫీస్ లేదా SBI, HDFC Bank, ICICI Bank వంటి అధీకృత బ్యాంకుల్లో(In authorized banks) సుకన్య సమృద్ధి యోజన ఖాతాను ప్రారంభించవచ్చు. ఇందుకోసం అమ్మాయి జనన ధ్రువీకరణ పత్రం (Birth Certificate), తల్లిదండ్రులు లేదా సంరక్షకుడి ఆధార్ కార్డు, పాన్ కార్డు, పాస్పోర్ట్ సైజ్ ఫొటోలు వంటి పత్రాలు సమర్పించాలి.
సుకన్య సమృద్ధి యోజన గురించి ప్రశ్నలు వాటి సమాధానాలు ఇక్కడ ఉన్నాయి:
1. ఇద్దరు కంటే ఎక్కువ మంది ఆడపిల్లలకు ఈ ఖాతా తెరవవచ్చా?
సాధారణంగా, ఒక కుటుంబంలో ఇద్దరు అమ్మాయిలకు మాత్రమే ఈ ఖాతా తెరిచే అవకాశం ఉంటుంది. అయితే, మొదటి కాన్పులో ఒక పాప పుట్టి, రెండో కాన్పులో కవలలు (Twins) లేదా ముగ్గురు (Triplets) పుడితే, ముగ్గురు లేదా నలుగురు అమ్మాయిలకు కూడా ఈ ఖాతా తెరవవచ్చు. దీని కోసం వైద్య ధృవీకరణ పత్రం సమర్పించాల్సి ఉంటుంది.
2. ఏడాదికి కనీస మొత్తం ₹250 జమ చేయకపోతే ఏమవుతుంది?
ఒక ఆర్థిక సంవత్సరంలో కనీసం ₹250 డిపాజిట్ చేయకపోతే, ఆ ఖాతా ‘డిఫాల్ట్’ (Default) అవుతుంది. తిరిగి ఆ ఖాతాను యాక్టివేట్(Active) చేయాలంటే, ప్రతి ఏడాదికి ₹50 జరిమానాతో పాటు, కనీస మొత్తాన్ని (₹250) కలిపి చెల్లించాల్సి ఉంటుంది.
3. వేరే ఊరికి మారినప్పుడు ఖాతాను బదిలీ చేసుకోవచ్చా?
అవును, ఈ ఖాతాను భారతదేశంలో ఎక్కడికైనా బదిలీ (Transfer) చేసుకోవచ్చు. మీరు ఒక పోస్టాఫీసు నుండి మరొక పోస్టాఫీసుకి లేదా ఒక బ్యాంకు నుండి మరొక బ్యాంకుకి సులభంగా మార్చుకోవచ్చు. నివాసం మారినట్లు(Change of residence) ఆధారాలు చూపిస్తే ఈ బదిలీ ఉచితంగా జరుగుతుంది.
4. మెచ్యూరిటీ తర్వాత డబ్బు ఎవరికి అందుతుంది?
ఖాతా గడువు ముగిసిన తర్వాత (21 ఏళ్ల తర్వాత), మొత్తం డబ్బును నేరుగా ఆ అమ్మాయికే అందజేస్తారు. 21 ఏళ్ల సమయానికి అమ్మాయి మేజర్(Girl major) అవుతుంది కాబట్టి, ఆమె ఆర్థిక స్వతంత్రత(Financial independence) కోసం ఈ నిధిని ప్రభుత్వం ఆమె పేరు మీదనే విడుదల చేస్తుంది.
5. 21 ఏళ్ల తర్వాత కూడా ఖాతాను అలాగే ఉంచవచ్చా?
ఖాతా ప్రారంభించిన తేదీ నుండి 21 ఏళ్లు పూర్తి కావడాన్ని మెచ్యూరిటీగా పరిగణిస్తారు. మెచ్యూరిటీ దాటిన తర్వాత ఆ మొత్తంపై ఎలాంటి వడ్డీ లభించదు. కాబట్టి, 21 ఏళ్లు నిండిన వెంటనే డబ్బును విత్ డ్రా చేసుకుని ఖాతా క్లోజ్ చేయడం మంచిది.
ముఖ్యంగా, ఆడపిల్లల పెళ్లి మరియు చదువు అనేది ప్రతి తల్లిదండ్రులకు ఒక బాధ్యత. సుకన్య సమృద్ధి యోజన (Sukanya Samriddhi Yojana) ద్వారా క్రమబద్ధంగా పెట్టుబడి పెట్టడం వల్ల అమ్మాయి పెద్దయ్యే సరికి చేతిలో పెద్ద మొత్తం ఉంటుంది. ప్రభుత్వ హామీ ఉండటం వల్ల ఇది పూర్తి సురక్షితమైన పథకం. కాబట్టి, మీ ఇంట్లో చిన్నారి ఉంటే ఆలస్యం చేయకుండా ఈ ఖాతాను ప్రారంభించడం ఉత్తమం.
